Í gærkvöldi í TUF Finale útsendingunni tilkynnti Dana White hverjir yrðu næstu þjálfarar í 23. seríu The Ultimate Fighter.
Það verða þeir Conor McGregor og Urijah Faber sem þjálfa 23. seríu TUF. McGregor mun þjálfa átta evrópska léttvigtarmenn og Faber átta bandaríska léttvigtarmenn. Tökur hefjast strax í næstu viku og verður McGregor áfram í MacMansion á meðan tökum stendur.
Dave Sholler, yfirmaður hjá UFC, sagði á blaðamannafundinum eftir TUF Finale að UFC hefði haft nokkra valmöguleika en ákveðið að fara þessa leið eftir úrslit gærkvöldsins. „Þeim líkar ekki við hvorn annan og það verður gott sjónvarpsefni,“ sagði Sholler.
McGregor og Urijah Faber áttu í orðaskiptum baksviðs á vigtuninni fyrir UFC 189. Sholler þvertók fyrir að það hafi verið uppsett. Þeir munu þó ekki berjast í lok seríunnar eins og venjan er oft með þjáfara TUF.
