Conor McGregor hefur samþykkt að berjast við Dustin Poirier þann 23. janúar. Conor vill að bardaginn verði á AT&T leikvanginum í Dallas með áhorfendur.
UFC er að reyna að setja saman bardaga Conor McGregor og Dustin Poirier. UFC vill að bardaginn fari fram þann 23. janúar en upphaflega vildi Conor berjast í nóvember eða desember á þessu ári. Conor hefur samþykkt tillögu UFC en leggur til að bardaginn verði á stórum leikvangi.
I accept, Jan 23rd is on!
— Conor McGregor (@TheNotoriousMMA) October 14, 2020
My goal is to see this fight take place in Cowboy stadium. Proper Style! Jerry Jones is a friend and the stadium can hold our crowd. I will be ready for Texas and Texas will be ready for my fans!
Then Manny. #McGregorSportsandEntertainment
AT&T leikvangurinn í Dallas er eitt stærsta íþróttamannvirki Bandaríkjanna en þar spila Dallas Cowboys leiki sína í NFL deildinni. Leikvangurinn tekur um 80.000 manns í sæti en 101 þúsund áhorfendur voru á leikvanginum á WrestleMania WWE árið 2016. UFC hefur oft daðrað við hugmyndina um risabardaga á leikvanginum en aldrei látið verða að því.
Texas leyfir áhorfendur á viðburðum þessa dagana í 25% nýtingu leikvanga. Þannig mega 20.000 áhorfendur mæta á leiki Dallas Cowboys. Conor vill því hafa bardagann þar gegn Poirier með áhorfendur á leikvanginum stóra.
Síðustu mánuði hefur UFC einungis haft bardagakvöld í Apex aðstöðu sinni í Las Vegas eða á bardagaeyjunni í Abu Dhabi. Það er því óljóst hvort UFC láti verða af þessari hugmynd Conor McGregor.
