Cris ‘Cyborg’ Justino var gestur í þættinum Speak for Yourself í gær. Cyborg hefur lengi langað að mæta R0ndu Rousey og lét allt flakka í gær.
Cyborg er í snúinni stöðu í UFC. Hún hefur hingað til bara barist í 140 punda hentivigt þar sem þyngdarflokkurinn hennar, 145 punda fjaðurvigtin, er ekki til í UFC. Henni langar ekkert meira en að mæta Rondu Rousey enda er það stærsti bardaginn sem hún gæti fengið.
Cyborg fullyrðir að Ronda Rousey sé hrædd við sig og vandaði henni ekki kveðjurnar í gær. „Ég sá hana skuggaboxa og skugginn vann,“ sagði Cyborg.
Ronda Rousey hefur á sínum tíma lýst yfir áhuga á að berjast við Cyborg en bara í 135 punda bantamvigtinni. Niðurskurðurinn í 140 pundin er mjög erfiður fyrir Cyborg og getum við nánast útilokað að hún fari nokkurn tímann í 135 pundin.
Það hefur farið lítið fyrir Rondu Rousey eftir að hún tapaði bantamvigtarbeltinu til Holly Holm í nóvember í fyrra. Rousey mun sennilega ekki snúa aftur fyrr en á næsta ári og ekkert vitað hvenær það gæti átt sér stað.
