Dana White spjallaði við fjölmiðla í gær eftir UFC 210. Þar sagði hann að viðræður við Mayweather hafi átt sér stað en enn sé mikið eftir til að allt verði klappað og klárt.
Conor McGregor mun eignast sitt fyrsta barn á næstunni en eftir það mun Conor hitta Dana White í New York.
„Nei, við erum ekki nálægt því að klára þetta. Ég held samt að þetta muni gerast. Conor vill bardagann, Floyd vill bardagann. Ég hef sagt það oft áður, Conor hefur gert margt fyrir okkur, stigið upp í stórum bardögum fyrir þetta fyrirtæki, fyrir mig og Lorenzo. Ég get ekki neitað honum þessum bardaga,“ sagði White.
