0

Donald Cerrone vill fá Conor McGregor næst

Donald Cerrone vill fá Conor McGregor næst ef marka má nýjustu færslu hans á Instagram. Cerrone ætlar niður í léttvigt og segist vera að bíða eftir Conor.

Donald Cerrone ætlar að fara aftur niður í léttvigt eftir að hafa verið í veltivigt undanfarin tvö ár. Cerrone hefur verið í léttvigt nánast allan sinn feril en árið 2016 ákvað hann að fara upp í veltivigt. Cerrone sigraði Mike Perry um síðustu helgi með armlás í 1. lotu en eftir bardagann sagðist hann vera á leið í Khabib Nurmagomedov, ríkjandi léttvigtarmeistara UFC.

Cerrone vill fá Conor í endurkomu sinni í léttvigt og sagðist vera að bíða eftir honum.

 

View this post on Instagram

 

Just waiting on him! ?. “ I know a guy” ?

A post shared by Donald Cerrone (@cowboycerrone) on

Conor McGregor er samt ekkert á leið í búrið aftur fyrr en hann klárar mál sitt við NAC (íþróttasamband Nevada fylkis) eftir hópslagsmálin í kjölfarið á bardaganum gegn Khabib í október. Bæði Conor og Khabib þurfa að mæta fyrir nefndina mánudaginn 10. desember og mun UFC ekki bóka þá í aðra bardaga fyrr en það klárast.

Conor McGregor hefur ekkert talað um sín næstu skref sem bardagamaður en Dana White, forseti UFC, sagði fyrr í mánuðinum að Conor vill helst fá endurat gegn Khabib eða bardaga sem kemur honum aftur í titilbardaga sem fyrst.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.