Pörupilturinn og einn umdeildasti bardagamaður heims, Nick Diaz, lýsti því yfir að hann hefði áhuga á að berjast aftur.
Fyrrverandi Strikeforce veltivigtarmeistarinn barðist síðast gegn fyrrverandi UFC veltivigtarmeistaranum Georges St-Pierre. Þar beið hann lægri hlut gegn Kanadamanninum. Eftir bardagann ákvað hann að taka sér frí frá bardagaíþróttum þar sem honum þótti hann vera brunnin út og var ekki búin að taka sér frí í mörg ár.
Í samtali við fréttamann MMA Junkie lýsti hann því yfir að hann væri tilbúin að keppa aftur. Þessar fréttir eru gríðarlega góðar fyrir bæði aðdáendur hans og UFC. Nick Diaz er einn af þeim sem tekst að selja bardaga með persónuleika sínum og auðvitað hæfileikum.
Diaz sagði að honum langaði að reyna að keppa í sumar en hann hefur ekkert talað við UFC í sambandi við að keppa.
