Rúmt ár er síðan Floyd Mayweather og Conor McGregor börðust í boxhringnum. Ný býðst Floyd til að hjálpa Conor fyrir bardagann gegn Khabib Nurmagomedov en Írinn kærir sig ekki um hjálp frá Floyd.
Conor McGregor mætir Khabib Nurmagomedov á UFC 229 þann 6. október. Þetta er fyrsti bardagi Conor síðan hann tapaði boxbardaganum gegn Floyd í fyrra.
Nú hefur Floyd rétt fram hjálparhönd og boðið Conor að æfa með sér fyrir bardagann gegn Khabib.
„Ég mun tala við Dana eða gæti talað við Conor til að fá miða. En þegar Conor kemur til Las Vegas gætum við þjálfað hann, við værum til í að fá hann á æfingu í Mayweather Boxing Club,“ sagði Floyd við TMZ á dögunum.
Conor var þó ekki að taka boði Floyd með opnum örmum.
Fuck the Mayweathers, except Senior and Roger.
There is no peace here kid.
Step up or step down.— Conor McGregor (@TheNotoriousMMA) August 29, 2018
Floyd svaraði um hæl og ætli það sé ekki óhætt að fullyrða að tilboðið sé af borðinu núna.
Easiest 9 figures I ever made! All work is what ? #MayweatherPromotions#TMT#TBE pic.twitter.com/32WGa78AHV
— Floyd Mayweather (@FloydMayweather) August 29, 2018
