Frábær stikla frá UFC fyrir bardaga Conor og Nate Diaz

Á laugardaginn frumsýndi UFC glænýja stiklu fyrir bardaga Conor McGregor og Nate Diaz. Stiklan var frumsýnd í útsendingunni á UFC bardagakvöldinu á laugardaginn og þykir koma ansi vel út.

Framleiðsluteymi UFC hefur þurft að hafa hraðar hendur við vinnslu á stiklunni enda kemur Nate Diaz inn með skömmum fyrirvara eftir að Rafael dos Anjos meiddist. Kapparnir mætast á laugardaginn en hér má sjá nýju stikluna sem er ansi skemmtileg.