Gilbert Burns var í gær greindur með kórónaveiruna. Burns getur því ekki mætt Kamaru Usman um næstu helgi á UFC 251.
Gilbert Burns hefur átt frábært ár og ætlaði að toppa það með titilbardaga gegn liðsfélaga sínum Kamaru Usman eftir slétta viku. UFC 251 fer fram á Yas Island í Abu Dhabi en skömmu áður en Burns áttu fljúga til Abu Dhabi fór hann í skimun og reyndist vera með kórónaveiruna.
💔 devastating news, not feeling well but I’m going to win this battle! Stay safe out there! Much love 🙏🏾
— GILBERT BURNS DURINHO (@GilbertDurinho) July 4, 2020
Þjálfari hans Greg Davies og bróðir hans Herberg Burns voru einnig með veiruna. Fyrr í vikunni greindi liðsfélagi Burns, Aung La N Sang, að hann væri með veiruna en Sang berst í ONE Championship.
Það er óvíst á þessari stundu hvort UFC fái staðgengil í stað Burns. Jorge Masvidal og Leon Edwards komu báðir til greina sem næsti andstæðingur Usman áður en Burns fékk kallið en Masvidal hefur verið í opinberum útistöðum við UFC. Colby Covington setti nafn sitt í hattinn og vildi fá endurat gegn Usman.
You know who they’re gonna call Marty and it ain’t the Ghostbusters Junior! 🇺🇸🦅🇺🇸 pic.twitter.com/9RgHd4Cczi
— Colby Covington (@ColbyCovMMA) July 4, 2020
Usman fór ekki um borð í flugið sitt til Abu Dhabi og er því enn í Bandaríkjunum. Tíminn gæti verið of knappur fyrir UFC að fá staðgengil enda þyrfti sá að fara í skimun í Bandaríkjunum og fá neikvæða niðurstöðu fyrst.
