Grettismót Mjölnis fer fram á laugardaginn. Keppt er í brasilísku jiu-jitsu í galla og hefst mótið kl. 11 í húsakynnum Mjölnis.
Þetta er í fjórða sinn sem mótið er haldið. Keppt verður í fimm þyngdarflokkum karla og í þremur flokkum kvenna auk opinna flokka. Veitt verða sérstök verðlaun fyrir uppgjafartak mótsins.
Aðgangseyrir fyrir áhorfendur eru 500 kr. en fyrstu glímur hefjast kl. 11 og stendur mótið fram eftir degi í Mjölniskastalanum, Seljavegi 2.
Flokkana má sjá hér að neðan og hvetjum við bardagaaðdáendur til að kíkja á besta glímufólk landsins etja kappi.
Karlar: -68 kg, -79 kg, -90 kg, -101 kg, +101 kg og Opinn flokkur karla
Konur: -64 kg, -74 kg, +74 kg og Opinn flokkur kvenna
