Gunnar Nelson hefur skráð sig til leiks í Mottumars en hann hefur skartað myndarlegri mottu síðustu daga.
Mottumars er eins og flestum landsmönnum er kunnugt um tákn Krabbameinsfélags Íslands í baráttunni gegn krabbameini hjá karlmönnum. Mottumars er bæði fjáröflunarátak og árveknisátak en þeir fjármunir sem safnast í átakinu eru notaðir í forvarnir, fræðslu, ráðgjöf og rannsóknir.
Hægt er að heita á Gunnar á heimasíðu Mottumars hér. Við hvetjum lesendur til að heita á Gunnar og/eða aðra þátttakendur og styrkja um leið gott málefni.
