Gunnar Nelson mætir Gilbert Burns á UFC bardagakvöldinu í Danmörku á laugardaginn. Gunnari langar að glíma við Burns og veit að Burns er mjög góður andstæðingur.
Gunnar var afar sáttur þegar nýr andstæðingur kom inn eftir að Thiago Alves meiddist. Gunnar var ánægður að hann skyldi ennþá vera með bardaga og sérstaklega þar sem þetta er flottur andstæðingur.
Gunnar hefur lagt mikla áherslu á högg og spörk fyrir þennan bardaga. Það hafi samt sem áður ekki haft mikil áhrif á glímuna hjá sér heldur bara verið skemmtileg viðbót. Jorge Blanco hefur komið inn í þessar æfingabúðir og telur Gunnar það vera síðasta púslið sem vantaði í hans æfingabúðir.
Burns er frábær glímumaður og þrefaldur heimsmeistari í brasilísku jiu-jitsu. Gunnari langar að glíma við hann.
„Ég verð að fá aðeins að fara í gólfið. Ég verð aðeins að fá smá að grípa í hann. Það er eiginlega bara must ef tækifærið gefst,“ segir Gunnar en myndi auðvitað ekkert hafa á móti því að klára þetta í 1. lotu.
