Henry Cejudo fór í aðgerð á vinstri öxl – frá í 4-5 mánuði

Tvöfaldi meistarinn Henry Cejudo þurfti að fara í aðgerð á öxlinni í gær. Cejudo verður frá í nokkra mánuði áður en hann getur farið að æfa aftur.

Henry Cejudo sigraði Marlon Moraes fyrr í mánuðinum. Þar með tryggði hann sér bantamvigtartitilinn og er nú handhafi fluguvigtar- og bantamvigtartitilsins í UFC.

Það verður einhver bið eftir að tvöfaldi meistarinn geti varið beltin sín. Cejudo fór í aðgerð á öxlinni í gær og getur ekki farið að æfa fyrr en eftir 4-5 mánuði. Cejudo gæti því ekki barist aftur fyrr en á næsta ári.

Ef svo er verða tveir þyngdarflokkar í pásu og spurning hvort UFC hendi upp einhverjum bráðabirgðarbeltum. Cejudo varði fluguvigtartitilinn síðast í janúar þegar hann sigraði T.J. Dillashaw.

Henry Cejudo is likely out for the rest of the year (via @arielhelwani)

? More: https://t.co/XywAfU5aTI pic.twitter.com/WStUCiIfg2

— ESPN MMA (@espnmma) June 19, 2019