UFC 196 fer fram í kvöld. Conor McGregor mætir Nate Diaz í aðalbardaga kvöldsins en bardagakvöldið fer fram í Las Vegas. Af þeim sökum eru bardagarnir seint um síðir.
12 bardagar eru á dagskrá eins og venjan er og hefst fyrsti bardaginn kl 23:30 á íslenskum tíma. Áskrifendur af Fight Pass rás UFC geta séð fyrstu bardagana frítt þar.
Aðalhluti bardagakvöldsins hefst kl 3 þar sem fimm bardagar eru á dagskrá. Aðalhluti bardagakvöldsins verður í beinni útsendingu á Stöð 2 Sport.
Bardagi Conor McGregor og Nate Diaz er síðasti bardagi kvöldsins og ætti því að hefjast á milli 5 og 5:30. Því fyrr sem bardagarnir á aðalhluta bardagakvöldsins klárast, því fyrr byrjar bardagi McGregor og Diaz.
