UFC er með bardagakvöld í Las Vegas í kvöld á evrópskum tíma. Í aðalbardaga kvöldsins mætast þeir Darren Till og Derek Brunson.
Upphaflega átti bardagakvöldið að fara fram í London en UFC tókst ekki að láta það ganga vegna kórónuveirunnar. Bardagakvöldið fer því fram í Las Vegas en er engu að síður á evrópskum tíma.
Fyrsti bardagi dagsins hefst kl. 17:30 en aðalhluti bardagakvöldsins kl. 20:00. Alla bardagana er hægt að sjá á Fight Pass rás UFC en aðalhluti bardagakvöldsins er síðan sýndur á Viaplay með íslenskri lýsingu.
