Íslandsmeistaramótið í BJJ fer fram nú á sunnudaginn í sal Ármenninga í laugardal. Húsið opnar kl 10 og munu fyrstu glímur byrja um 10:30. Keppt er í Gi (galla) og fer vigtun fram á mótsdag. Íslansdmeistaramótið í ár verður gríðarlega fjölmennt en 94 keppendur eru skráðir til leiks! Keppt er í átta þyngdarflokkum í karlaflokki og tveimur í kvennaflokki. Fimm Íslandsmeistarar frá því í fyrra keppa ekki með í ár en allir sigurvegarar opna flokksins undanfarin ár verða ekki með. Þetta mót er því að margra mati eitt mesta spennandi Íslandsmeistaramót frá upphafi.
Þyngdarflokkarnir verða eftirfarandi:
Karlar
-64 kg
-70 kg
-76 kg
-82,3 kg
-88,3 kg
-94,3 kg
-100,5 kg
+100,5 kg
Konur
-64 kg
+64 kg
Jafnframt verður keppt í opnum flokki karla og kvenna.
Búið er að loka fyrir skráningu en ókeypis aðgangur er fyrir áhorfendur. Mótstjóri verður Pétur Marel Gestsson.
