Jack Hermansson virðist vera kominn með mótherja í Kaupmannahöfn. Hermansson er sagður mæta Jared Cannonier og verður það að öllum líkindum aðalbardagi kvöldsins.
UFC heimsækir Danmörku í fyrsta sinn í haust. Gunnar Nelson mætir Thiago Alves á bardagakvöldinu eins og greint var frá í síðustu viku en eins og staðan er núna er það eini staðfesti bardagi kvöldsins. Bardagakvöldið fer fram þann 28. september í Royal Arena.
Búist var við að norski Svíinn Jack Hermansson yrði í aðalbardaga kvöldsins. Hermansson er kominn hátt upp í millivigtina og þá sérstaklega eftir sigur á Ronaldo ‘Jacare’ Souza í apríl. Hermansson vonaðist eftir bardaga gegn Kelvin Gastelum í Kaupmannahöfn en Gastelum greindi nýlega frá því að hann yrði ekki tilbúinn fyrr en í nóvember.
My time table for my return inside the octagon is November. No doubt about it. @jackthejokermma is the fight to make. #OnAmission4Gold
— #OnAmission4Gold (@KelvinGastelum) June 29, 2019
Umboðsmaðurinn Malki Kawa greindi frá því dag að Jared Cannonier muni mæta Jack Hermansson í Danmörku í haust. Kawa sagði fyrr í dag að hann ætlaði að byrja að greina frá staðfestum bardögum frá sínum kúnnum á Twitter í stað þess að leka því í blaðamenn.
Cannonier verbally agrees to fight hermansson in Copenhagen. Excited for this. Good work @LouDiBono
— malki kawa (@malkikawa) July 3, 2019
Mma fans, going forward, I will now break all of our fighters news myself. No more confirmations or reporters need to call for verification. Even as things are talked about, I will tweet about them. Follow for the info as it happens.
— malki kawa (@malkikawa) July 3, 2019
Það má því reikna með að Hermansson mæti Jared Cannonier í Kaupmannahöfn nú í september. Cannonier hefur unnið tvo bardaga í röð en hann sigraði Anderson Silva í maí eftir að Silva meiddist á fæti eftir spark Cannonier.
