0

James Krause kemur inn með sólarhrings fyrirvara fyrir UFC 247

James Krause mætir Trevin Giles á UFC 247 í nótt. Krause kemur inn með rúmum sólarhrings fyrirvara í þyngdarflokki fyrir ofan sig.

Trevin Giles átti að mæta Antonio Arroyo í einum af upphitunarbardögunum á UFC 247. Arroyo náði vigt í gær en var fluttur upp á spítala eftir vigtunina og sagður ófær um að berjast.

Bardagakvöldið fer fram í Houson á heimaslóðum Giles en sem betur fer fyrir hann fær hann andstæðing í tæka tíð. James Krause ákvað að stíga inn í gær og var hann 183,5 pund þegar hann var vigtaður fyrir 185 punda millivigtarbardagann.

Krause berst í veltivigt þessa dagana en hefur áður barist í léttvigt. Krause hefur unnið sex bardaga í röð og berst nú sinn fyrsta bardaga í millivigt á ferlinum.

Krause átti ekki að berjast á bardagakvöldinu og var því ekki að undirbúa sig fyrir bardaga þegar hann fékk kallið. Krause var í Houston til að vera í horninu hjá Youssef Zalal sem berst í fyrsta bardaga kvöldsins.

Giles hefur tapað tveimur bardögum í röð og vonast væntanlega eftir sigri á heimavelli í nótt.

Þeir Jon Jones og Dominick Reyes mætast í aðalbardaga kvöldsins á UFC 247.

Pétur Marinó Jónsson
Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.