Tuesday, July 16, 2024
Minigarðurinnspot_imgspot_imgspot_img
HomeErlentKamaru Usman og Jorge Masvidal mætast í júlí samkvæmt Dana White

Kamaru Usman og Jorge Masvidal mætast í júlí samkvæmt Dana White

Það stefnir allt í að Jorge Masvidal fari næst í veltivigtarmeistarann Kamaru Usman. Bardaginn er í vinnslu og mun sennilega eiga sér stað í júlí.

Næsta titilvörn veltivigtarmeistarans Kamaru Usman verður gegn Jorge Masvidal en þetta sagði Dana White í þætti Jim Rome á dögunum. Bardaginn verður líklegast í júlí þegar International Fight Week hjá UFC fer fram.

Usman og Masvidal áttu í útistöðum í vikunni þegar þeir hittust á fjölmiðlaviðburði. Köppunum lenti saman og áttu þeir í orðaskiptum.

„Það var alltaf planið að láta Usman berjast við Jorge. Við vorum ekki búnir að tilkynna það [að þeir mætist] en þessi uppákoma í vikunni neyðir mig til að tilkynna þetta,“ sagði Dana.

Usman sigraði Colby Covington í frábærum bardaga í desember og var það hans fyrsta titilvörn. Usman er að jafna sig á handarmeiðslum á vinstri hendi sem hann varð fyrir í bardaganum gegn Covington. Samkvæmt umboðsmanni Usman verður hann búinn að ná sér í mars eða apríl.

Samningar hafa þó ekki verið kláraðir og er bardaginn því ekki endanlega staðfestur.

Þar sem Masvidal er nú að fara í titilbardaga er spurning hvað gerist næst fyrir Conor McGregor. Dana White er enn á því að Conor fari næst í Khabib Nurmagomedov en Khabib mætir Tony Ferguson í apríl.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -spot_img

Most Popular