UFC lýsandinn og fyrrum UFC bardagamaðurinn Kenny Florian ræddi við okkur í gær um Gunnar Nelson. Florian og Gunnar æfðu saman um skeið hjá Renzo Gracie Academy í New York.
Kenny Florian barðist þrívegis um titil í UFC en þurfti alltaf að lúta í lægra haldi. Í dag er hann virtur sérfræðingur í MMA og var gaman að heyra hans skoðun á Gunnari.
„Bardaginn gegn Rick Story var mikilvægt skref í þróun hans sem bardagamaður. Það er sjaldgæft að sjá nokkurn taplausan í MMA. Stundum þurfum við að falla til að geta risið aftur upp. Ég held að Gunni hafi lært margt af bardaganum gegn Rick Story,“ sagði Florian.
Kennny Florian talaði um tíma þeirra hjá Renzo Gracie en þar talaði hann um að Gunnar væri sá fyrsti, og eini, sem hann hefur séð taka niður fyrrum veltivigtarkónginn Georges St. Pierre.
