Khabib Nurmagomedov er ekki alveg tilbúinn að gefast upp á að berjast á UFC 249. Ef UFC finnur stað þar sem hann getur ferðast til mun hann berjast.
Khabib Nurmagomedov er í Rússlandi núna en á mánudaginn var landamærum landsins lokað vegna kórónaveirunnar.
Khabib sagði í samtali við ESPN í kvöld að hann sé ekki búinn að gefa upp vonina ennþá á að berjast.
„Ef þeir senda mér stað, ef ég kemst frá Rússlandi mun ég berjast eins og staðan er núna. 100%, sendið mér staðsetningu,“ sagði Khabib.
Khabib heldur áfram að æfa í Dagestan og er ennþá til í að mæta Tony Ferguson ef hann getur komist þangað. Enn er ekki vitað hvar UFC 249 á að fara fram en bardagakvöldið á að eiga sér stað þann 18. apríl.
Khabib spyr Dana White, forseta UFC, á hverjum degi hvort nýr staður sé kominn fyrir bardagakvöldið en hefur ekki fengið nein svör ennþá.
Eins og staðan er núna er vonin veik en Khabib er í það minnsta ekki tilbúinn að gefast upp þó hann sé fastur í Rússlandi.
"Right now, if they give me location, if I can come out from Russia… I'm going to fight. One hundred percent. Just give me location."
— ESPN MMA (@espnmma) April 2, 2020
Speaking to @bokamotoESPN, @TeamKhabib says facing Tony Ferguson is his "dream fight" and understands why fans are upset. pic.twitter.com/c2j2RV4uZ0
