Margt er merkilegt í þessari veröld, en fátt kitlar sjálfan mig eins mikið og alger veruleikafyrring hjá fólki. Ég hef lengi klórað mér í hausnum yfir efni þessarar stuttu greinar. Hér sjáum við aldraðan Kiai „meistara“ gegn ungum manni sem gefur sig út fyrir að vera í MMA. Fullorðni maðurinn er að bjóða hverjum þeim sem leggur í sig 5.000 dollara sigri þeir.
Kiai, eins og ég skil það, beitir hugarorkunni til þess að sveifla mönnum til og frá. Hann gerir það með miklum árangri á æfingum hjá sér og menn henda sér í allar áttir þegar hann bendir á þá. Augljóslega er einhver sturlun í gangi. Japanir eru miklir kurteisismenn og sérstaklega kurteisir við þá sem eru þeim eldri. Grunurinn er að þeir sem eru að æfa hjá honum eru einfaldlega of kurteisir til að segja eitthvað og taka því bara þátt í þessu hjá gamla manninum. Umfjöllun Bas Rutten og Joe Rogan hér fyrir neðan gefur áhugaverða sýn þeirra á þetta.
Þegar bardaginn byrjar hjá okkar mönnum er merkilegt að gamli reynir trixin sín, en fer síðan í hálfgert áfall þegar ungi maðurinn gefur honum hressilega á lúðurinn. Sjón er sögu ríkari.
Bardaginn:
Hahahah þetta er það steiktasta sem ég hef séð