Anthony Pettis vaknaði heldur ruddalega í gær. Aðfaranótt fimmtudags var nefnilega kveikt í þremur bílum hans.
Bílarnir þrír stóðu fyrir utan heimili Anthony Pettis í Milwaukee. Lögreglan í Milwaukee rannsakar málið en nú þegar liggur fyrir grunur um íkveikju. Nágranni Pettis sá bifreið keyra hratt af vettvangi um það leyti sem eldurinn byrjaði. Lögregla telur að sá grunaði hafi kveikt í tveimur bílanna og eldurinn borist yfir í þann þriðja.
Fyrr í vikunni var bardagi fyrrum léttvigtarmeistarans Anthony Pettis og Max Holloway staðfestur. Ekki góð byrjun í undirbúningi Anthony Pettis fyrir bardagann í desember.
