Tryllt hegðun Conor McGregor í New York í gær hafði svo sannarlega afleiðingar. Michael Chiesa og Ray Borg voru í rútunni sem Conor réðst á og geta þeir ekki barist vegna meiðsla sem þeir urðu fyrir í rútunni.
Michael Chiesa átti að mæta Anthony Pettis á UFC 223 annað kvöld. Chiesa var í rútunni sem Conor réðst á og fékk glerbrot í andlitið eftir að Conor kastaði tryllu og öðrum aðskotahlutum í rútuna. Chiesa fékk nokkra skurði í andlitið og var fluttur upp á spítala til meðhöndlunar. Rétt í þessu var sú ákvörðun tekin að Chiesa gæti ekki barist vegna skurðanna.
Ray Borg var einnig í rútunni en hann fékk glerbrot í augað í atvikinu og var fluttur á spítala. Borg átti að mæta Brendon Moreno í fluguvigt en hann átti í erfiðleikum með að sjá eftir atvikið og getur því ekki barist.
Artem Lobov átti að mæta Alex Caceres á kvöldinu en hann átti þátt í atvikinu í dag og fær hann því ekki að keppa. Þar með hafa þrír bardagar fallið niður eftir atburðarrás gærdagsins.
UFC hefur ekki sent frá sér formlega tilkynningu varðandi aflýsingu bardaganna en áreiðanlegar heimildir fullyrða að bardagarnir fari ekki fram.
Per sources, Chiesa/Pettis and Borg/Moreno are both off. Chiesa’s facial cuts, and his weight cut was thrown off. Borg started to experience problems with his eye, from the particles of glass.
— Brett Okamoto (@bokamotoESPN) April 6, 2018
@TheNotoriousMMA is about that life pic.twitter.com/kLRbMVzSzk
— joshua. (@jrsvx) April 5, 2018
yoooooo… first time seeing this one. Conor has legit lost his mind. pic.twitter.com/XcLFd2FIMo
— caposa (@Grabaka_Hitman) April 5, 2018
