0

Lætin í Conor koma í veg fyrir að Michael Chiesa og Ray Borg geti barist

Tryllt hegðun Conor McGregor í New York í gær hafði svo sannarlega afleiðingar. Michael Chiesa og Ray Borg voru í rútunni sem Conor réðst á og geta þeir ekki barist vegna meiðsla sem þeir urðu fyrir í rútunni.

Michael Chiesa átti að mæta Anthony Pettis á UFC 223 annað kvöld. Chiesa var í rútunni sem Conor réðst á og fékk glerbrot í andlitið eftir að Conor kastaði tryllu og öðrum aðskotahlutum í rútuna. Chiesa fékk nokkra skurði í andlitið og var fluttur upp á spítala til meðhöndlunar. Rétt í þessu var sú ákvörðun tekin að Chiesa gæti ekki barist vegna skurðanna.

Ray Borg var einnig í rútunni en hann fékk glerbrot í augað í atvikinu og var fluttur á spítala. Borg átti að mæta Brendon Moreno í fluguvigt en hann átti í erfiðleikum með að sjá eftir atvikið og getur því ekki barist.

Artem Lobov átti að mæta Alex Caceres á kvöldinu en hann átti þátt í atvikinu í dag og fær hann því ekki að keppa. Þar með hafa þrír bardagar fallið niður eftir atburðarrás gærdagsins.

UFC hefur ekki sent frá sér formlega tilkynningu varðandi aflýsingu bardaganna en áreiðanlegar heimildir fullyrða að bardagarnir fari ekki fram.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.