0

UFC London: Leon Edwards með sigur og þungavigtin svæfði

ufc london 2017Upphitunarbardagarnir halda áfram að rúlla hér í London. Þungavigtin sýndi sínar verstu hliðar og Leon Edwards nældi sér í sigur.

Eftir rothöggið glæsilega frá Marc Diakiese datt fjörið aðeins niður. Leon Edwards og Vicente Luque mættust í veltivigt. Bardaginn var mjög jafn en Vicente Luque tók 1. lotuna og Edwards 2. lotuna þannig að allt var undir fyrir þriðju og síðustu lotuna.

Þar var Leon Edwards hættulegri og ferskari og náði inn fleiri höggum. Edwards náði nokkrum sinnum að því er virtist meiða Luque en fór alltaf strax í fellu sem var skrítið. Edwards náði fellunni að lokum og vann 3. lotuna og þar með bardagann. Edwards vann eftir einróma dómaraákvörðun, 29-28.

Þungavigtarmennirnir Timothy Johnson og Daniel Omielańczuk börðust í þrjár lotur og var bardaginn ekki mikið fyrir augað. Báðir voru að rembast við að ná fellum án mikillar velgengni og skiptust á slöppum höggum. Timothy Johnson vann eftir klofna dómaraákvörðun í tilþrifalitlum bardaga.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.