Upphitunarbardögunum á UFC bardagakvöldinu í London var að ljúka þar sem Duffy og Barroso nældu sér í sigra.
Francimar Barroso og Darren Stewart mættust í endurati í næstsíðasta upphitunarbardaganum. Kapparnir mættust í nóvember en sá bardagi var dæmdur ógildur eftir að höfuð þeirra skullu saman. Það var ekki mikið um tilþrif eða fjör í bardaganum og sigraði Barroso eftir einróma dómaraákvörðun, 29-28.
Joseph Duffy og Reza Madadi mættust í léttvigtarslag. Joe Duffy var mun betri allan tímann og naut mikilla yfirburða. Bardaginn var einhliða og átti Madadi fá svör við Duffy.
Duffy skar Madadi á enninu með hnésparki og blæddi nokkur úr Madadi. Duffy sigraði eftir einróma dómaraákvörðun, 30-27.
