Toppurinn í léttvigtinni er ansi þéttsetinn þessa stundina. Þar sem meistarinn er í banni er ákveðin óvissa í þyngdarflokknum.
Khabib Nurmagomedov fékk 9 mánaða bann fyrir sinn þátt í látunum eftir bardagann við Conor McGregor. Khabib hefur sagt að hann langi að berjast í nóvember í Madison Square Garden og verður því langt þangað til hann mun verja titilinn. UFC mun því sennilega henda upp einum bráðabirgðartitli (e. interim title) í fjarveru Khabib.
Sá orðrómur er nú á kreiki að fjaðurvigtarmeistarinn Max Holloway muni fara upp til að berjast við Tony Ferguson um bráðabirgðarbeltið í léttvigtinni. Sá bardagi er sagður á dagskrá í apríl á UFC 236 en allt eru þetta þó einungis orðrómar.
Það sem rennur stoðum undir þessa orðróma eru tíst Dustin Poirier.
Tell me about it https://t.co/pwVMBj0eju
— The Diamond (@DustinPoirier) February 19, 2019
Send it over https://t.co/c8kOcCHJwd
— The Diamond (@DustinPoirier) February 19, 2019
?
— The Diamond (@DustinPoirier) February 20, 2019
These guys should just release me.
— The Diamond (@DustinPoirier) February 20, 2019
Poirier virðist vera pirraður á sinni stöðu í UFC þessa dagana. Samkvæmt MMA Junkie er Poirier alvara með að yfirgefa UFC. Poirier hefur unnið átta af tíu bardögum sínum í léttvigt og klárað þá Eddie Alvarez, Justin Gaethje og Anthony Pettis í sínum þremur síðustu bardögum. Poirier vill fá titilbardaga en ef ekki vill hann fá almennilega borgað til að mæta einhverjum eins og Al Iaquinta.
Al Iaquinta vonast eftir að fá Poirier. „Ég vona að UFC geti kíkt í vasana sína og gert hann hamingjusaman. Miðað við það sem ég hef heyrt verður það Conor og Cerrone í sumar og svo mun Max Holloway fara upp og berjast við Tony Ferguson fyrir bráðabirgðarbelti. Þá er það bara ég og hann sem erum eftir,“ sagði Iaquinta við UFC Unfiltered hlaðvarpinu.
Iaquinta er ekki á langri sigurgöngu en vann Kevin Lee í desember eftir frábæra frammistöðu.
Holloway hefur síðasta daga aðeins verið að stríða aðdáendum og ýjað að bardaga gegn Tony Ferguson.
Tony Ferguson is the type of guy to copy my back tattoo then tell me I’ve just been blessed pic.twitter.com/1aDZgHNMJH
— Max Holloway (@BlessedMMA) February 15, 2019
Það virðist því ríkja smá óvissa um hvað gerist í léttvigtinni á næstu mánuðum í fjarveru Khabib. Poirier vonast eflaust eftir að fá bráðabirgðartitilbardaga gegn Tony Ferguson í stað Holloway en svo virðist sem Holloway fái frekar kallið.
