Ein besta glímukona heims, Mackenzie Dern, vann sinn þriðja MMA bardaga á LFA 6 í gærkvöldi. Dern mætti Katherine Roy í gær og sigraði eftir dómaraákvörðun.
Dern er nú 3-0 í MMA en hún snéri sér að MMA í fyrra eftir afar farsælan feril í brasilísku jiu-jitsu. Bardaginn átti upphaflega að fara fram í 115 punda strávigt en Dern sá ekki fram á að ná vigt. Því var samið um að bardaginn myndi fara fram í 120 punda hentivigt.
Dern náði ekki 120 punda markinu í fyrstu tilraun en náði því loksins klukkutíma síðar og fékk Roy 20% af launum Dern. Þetta er í annað sinn sem Dern nær ekki 115 punda strávigtarmarkinu og viðurkennir Dern að hún þurfi að læra betur á niðurskurðinn.
Dern æfir hjá The MMA Lab í Arizona og sýndi hún bætingar í sparkboxinu sínu í gær. Dern vann lotur þrátt fyrir að ná ekki að taka bardagann í gólfið þar sem hún er best. Dern er þó ekki tilbúin í UFC að flestra mati og ætti að taka sér sinn tíma í að bæta sig áður en hún fer í djúpu laugina.
Hér má sjá nokkur brot úr bardaganum.
Mackenzie Dern and Katherine Roy had a good time in the cage. Dern won this one.HL pic.twitter.com/W4tpyCj1v1
— Jolassanda (@Jolassanda) March 11, 2017
