Matt Hughes komst aftur á dýnurnar í gær. Þó glíman hafi eflaust ekki staðið lengi yfir er ánægjulegt að sjá Hughes aftur á dýnunum aðeins tveimur mánuðum eftir alvarlegt bílslys hans.
Þann 16. júní lenti Hughes í alvarlegu slysi er hann ók í veg fyrir lest á 80 km hraða. Hann var fluttur með þyrlu á sjúkrahús og hefur verið þar síðan.
Hann virðist allur vera að koma til en í síðustu viku stalst hann út til að fá sér sushi og í gær glímdi hann við vin sinn Tony Zucca.
Hughes hlaut alvarlega höfuðáverka í slysinu og var aðeins minniháttar svörun frá honum fyrstu dagana. Zucca segir framfarir hans kraftaverki líkast og er gaman að sjá þessa goðsögn á batavegi.
