Bardaginn sem frestaðist á síðasta ári er kominn með nýja dagsetningu. Max Holloway mætir Frankie Edgar á UFC 222 þann 3. mars í Las Vegas.
Max Holloway ætlar greinilega að vera duglegur að verja beltið sitt. Holloway sigraði Jose Aldo öðru sinni nú í desember og er strax kominn með næsta bardaga. Upphaflega átti Holloway að mæta Frankie Edgar í desember en Edgar gat ekki barist vegna meiðsla.
Nú hefur Edgar náð sér af meiðslunum og er tilbúinn í sinn þriðja titilbardaga í fjaðurvigtinni. Fyrstu tveir titilbardagar hans voru gegn Jose Aldo og tapaði Edgar í báðum tilraunum sínum.
Þetta er þriðji bardaginn sem staðfestur er á UFC 222. Eftirtaldir bardagar hafa verið staðfestir á bardagakvöldið:
Titilbardagi í fjaðurvigt: Max Holloway gegn Frankie Edgar
Millivigt: Hector Lombard gegn C.B. Dollaway
Þungavigt: Stefan Struve gegn Andrei Arlovski
