Athyglisverð samskipti áttu sér stað á Twitter í gær. Millivigtarmeistarinn Michael Bisping sagði Georges St. Pierre að skrifa undir pappírana svo þeir gætu mæst á UFC 206.
Þetta kemur óvænt upp enda ekkert sem benti til þess að Bisping og St. Pierre væru að fara mætast. Bisping varði titilinn sinn þann 8. október síðastliðinn eftir fimm lotu stríð gegn Dan Henderson.
Georges St. Pierre hefur átt í útistöðum við UFC að undanförnu og fátt sem bendir til að hann muni berjast á þessu ári. Í síðustu viku sagðist hann hafa rift samningi sínum við UFC eftir langar og erfiðar samningaviðræður.
Það kom því mörgum á óvart þegar Michael Bisping sagði honum að skrifa undir pappírana svo þeir gætu barist á UFC 206 í Kanada.
@GeorgesStPierre, we all want more money. But let’s go,sign the papers.Give the people of Toronto what they want, be a hero! Let’s go champ!
— michael (@bisping) October 26, 2016
UFC 206 fer fram þann 10. desember í Toronto. Bardagi milli Bisping og St. Pierre yrði afar stór enda er Kanadamaðurinn St. Pierre gríðarlega vinsæll í heimalandinu. Bisping er auðvitað millivigtarmeistarinn en Georges St. Pierre hefur barist allan ferilinn í veltivigt.
Dana White, forseti UFC, var þó ekki lengi að skjóta þetta niður og sagði í samtali við Brett Okomoto að Bisping og St. Pierre væru ekki að fara að berjast.
Text from @danawhite: There is no Bisping vs. GSP fight in Toronto. I know Mike wants it, but it’s not happening.
— Brett Okamoto (@bokamotoESPN) October 26, 2016
Dana White hefur þó áður sagt eitt og svo allt annað komið í ljós.
