UFC bardagamaðurinn Michael Chiesa hefur kært Conor McGregor fyrir rútúárásina í apríl. Chiesa fékk skurð á ennið í árásinni og gat ekki barist tveimur dögum síðar eins og til stóð.
Michael Chiesa átti að mæta Anthony Pettis á UFC 223 í apríl. Tveimur dögum fyrir bardagakvöldið réðst Conor McGregor á rútuna sem innihélt Khabib Nurmagomedov. Conor kastaði trillu í gegnum rúðu rútunnar og rigndi glerbrotum yfir Chiesa. Chiesa fékk skurð á ennið og mátti ekki keppa gegn Anthony Pettis.
Conor McGregor viðurkenndi brot sín í ágúst og slapp við fangelsisdóm. Chiesa hefur nú höfðað einkamál á hendur Conor og Barclays Center höllinni þar sem atburðarrásin fór fram. Chiesa vill fá bætur fyrir „árás, líkamsárás og hafa vísvitandi valdið honum tilfinningalegu álagi,“ segir í kærunni. Árásin hafi valdið honum „alvarlegu tilfinningalegu uppnámi og andlegum og líkamlegum áverkum.“
Chiesa er einnig að höfða mál gegn Barclays Center fyrir vanrækslu í öryggisstörfum. Chiesa vill fá bætur fyrir tekjumissi en ekki er vitað hve miklar bætur hann vill fá en frá þessu greinir MMA Nytt.
