Miðvikudagsgetraunin er fastur liður hér á MMA fréttum. Verðlaunin eru ekki af verri endanum, en sigurvegarinn fær máltíð að eigin vali fyrir tvo á Lebowski bar! Á Lebowski bar færðu frábæra hamborgara og sjeika! Getraunin er einföld, borin er upp spurning hér á síðunni á ýmsum formum og ef lesendur vita svarið senda þeir rétt svar á ritstjorn@mmafrettir.is. Dregið er svo úr réttum svörum. Til að vinna þurfa lesendur að vera með rétt svar og vera búinn að “like-a” Facebook síðu okkar. Vinsamlegast getið fulls nafns í póstinum. Svarfrestur rennur út á miðnætti í kvöld.
Chuch Liddell er einn sigursælasti MMA-kappi allra tíma en síðan hann lagði hanskana á hilluna hefur hann reynt fyrir sér í Hollywood. Hann hefur leikið lítil hlutverk í þáttum og kvikmyndum eins og Entourage, Blue Mountain State og Kick-Ass 2 svo fátt eitt sé nefnt. Í atriðinu hér að neðan leikur hann lítið hlutverk á móti frægum leikara sem lést fyrir nokkrum mánuðum. Úr hvaða kvikmynd er atriðið hér að neðan?
