0

Mynd: Colby Covington fór með beltið sitt til Donald Trump

Fyrrum bráðabirgðarmeistarinn, Colby Covington, fór með beltið sitt og hitti Donald Trump fyrr í vikunni. Dana White, forseti UFC, fór einnig á fund með forseta Bandaríkjanna.

Þrátt fyrir að Colby Covington verði sviptur bráðabirgðartitlinum sínum á næstunni rígheldur hann í sjálft beltið. Covington vann beltið með sigri á Rafael dos Anjos í júní en í stað þess að sameina titlana og mæta meistaranum fær veltivigtarmeistarinn Tyron Woodley annan andstæðing. Covington gat ekki barist við Woodley í september eins og UFC vildi og því kemur Darren Till í titilbardagann en Covington mun verða sviptur titlinum.

Fyrir bardagann gegn dos Anjos lofaði Covington því að hann myndi mæta með beltið til forseta Bandaríkjanna, Donald Trump. Dana White sagði að það væri lítið mál að koma því í kring og stóðu báðir við orð sín á miðvikudaginn.

Dana White kíkti líka á gamla kunningja sinn en Dana hefur alltaf átt gott samband við Trump. Að sögn Dana var Trump einn af fáum sem hafði trú á UFC þegar bardagasamtökin áttu erfitt uppdráttar og rétti þeim hjálparhönd.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.