Jon Jones er ekki enn kominn með næsta bardaga en er þó í hrikalega góðu formi miðað við nýjustu myndir af honum. Óhætt er að segja að Jones hafi tekið breytingum frá fyrra fari.
Áður fyrr æfði Jon Jones lítið sem ekkert milli bardaga en nú hefur orðið breyting þar á. Á myndinni vinstra megin hér að neðan má sjá Jon Jones í því formi sem hann var vanur að vera í þegar hann var ekki að æfa og ekki með bardaga framundan. Myndin hægra megin er nýleg mynd af honum þar sem hann lítur út fyrir að vera í hörku formi.
Jones hefur birt þónokkur myndbönd af sér við lyftingar en slíkt stundaði hann lítið sem ekkert áður fyrr. Svo virðist sem Jones sé staðráðinn í að ná beltinu sínu aftur af Daniel Cormier. Ekki er enn ljóst hvenær kapparnir munu mætast á næsta ári.
Með lyftingunum gæti hann verið að leggja grunninni fyrir komandi tímum í þungavigtinni. Jones hefur sjálfur ekkert gefið út um hvort eða hvenær hann fari upp í þungavigt en það er nokkuð sem margir hafa lengi beðið eftir.
Well I think it’s safe to say that Jon Jones will be making the move up to heavyweight soon. Good lord he’s jacked. pic.twitter.com/0SivB9RSDr
— Chamatkar Sandhu (@SandhuMMA) November 18, 2015
