Ótrúlegur 39 sekúndu bardagi fór fram í gær á UFC bardagakvöldinu í Síle í gær. Það gerðist ansi margt á þessum örfáu sekúndum en sjón er sögu ríkari.
Gabriel Benitez mætti Humberto Bandenay í fjaðurvigt í gær á UFC bardagakvöldinu í Síle í nótt. Bardaginn var einn af upphitunarbardögum kvöldsins og var afar skemmtilegur.
Benitez byrjaði á að kýla Bandenay niður og fylgdi því eftir með höggum í gólfinu. Bandenay náði hins vegar armlás og var ansi nálægt því að klára bardagann af bakinu þar til Benitez lyfti Bandenay upp og skellti honum í gólfið með þeim afleiðingum að hann rotaðist. Ótrúlegar 39 sekúndur en bardagann í heild sinni má sjá hér að neðan.
Well, Gabriel Benitez’s night just opened up ?. pic.twitter.com/rpAx3E5E5V
— FOX Sports: UFC (@UFCONFOX) May 20, 2018
Benitez sagði eftir bardagann að hann hefði fundið að olnboginn sinn hefði smollið þegar hann var í armlásnum og var Bandenay því ansi nálægt að klára bardagann rétt áður en hann rotaðist.
