Það er sjaldan lognmolla í kringum írska bardagamanninn Conor McGreogor. Hann er nú staddur í Brasilíu sem partur af kynningartúr fyrir risabardaga hans og Jose Aldo og gerði allt vitlaust á írskum bar í Ríó.
Kapparnir mætast í aðalbardaga UFC 189 í júlí og er UFC strax farið að kynna bardagann verulega. Kapparnir munu fara í kynningartúr um Ríó, Las Vegas, Los Angeles, Boston, New York, Toronto, Dublin og London.
Í myndskeiðinu hér að neðan er hann á írskum bar í Ríó að kasta pílum í mynd af Jose Aldo.
Conor McGregor spjallaði einnig við fjölmiðla í gær og eins og vanalega mátti heyra mörg skemmtileg ummæli eftir hann. UFC reyndi án árangurs að fá McGregor til að spila fótbolta við Jose Aldo og hafði Írinn þetta að segja um málið.: „I’m not here to play games with this fool, I’m here to kill him.“
