Conor McGregor var með opna æfingu í gær fyrir fjölmiðlamenn í kringum UFC 187. McGregor æfir nú í Las Vegas fram að bardaga sínum í júlí.
Conor McGregor æfir nú í The Ultimate Fighter æfingaaðstöðunni í Las Vegas en þar fara fram allar upptökur á þáttaröðinni. McGregor hefur aðstöðuna út af fyrir sig og sitt lið fram að bardaga.
Í gær fór fram opin æfing í aðstöðunni þar sem fjölmiðlar fengu tækifæri til að sjá Írann æfa. Gríðarlegur fjöldi fjölmiðlamanna er nú í Las Vegas vegna UFC 187 og ákvað UFC að halda opna æfingu hjá McGregor.
Conor McGregor berst um fjaðurvigtartitilinn gegn Jose Aldo á UFC 189. Bardaginn er aðalbardagi kvöldsins og fer fram þann 11. júlí.
Eftir æfinguna ræddi hann við fjölmiðla.
