Dana White, forseti UFC, lét fjölmiðlamanninn Ariel Helwani heyra það í nýlegu viðtali. Helwani fékk á dögunum lífstíðarbann frá UFC eftir að hafa greint frá endurkomu Brock Lesnar í UFC.
Bann Helwani varði aðeins í þrjá daga en Helwani tók bannið afar nærri sér. Hann felldi tár í þætti sínum The MMA Hour og gerði Dana White grín að því í viðtalinu hér að neðan. Helwani greindi frá endurkomu Lesnar í UFC u.þ.b. þremur klukkustundum áður en UFC tilkynnti það í útsendingu UFC 199.
UFC var afar ósátt með frétt Helwani enda átti tilkynningin að vera óvænt gjöf til bardagaaðdáenda.
https://www.youtube.com/watch?v=pDWCbDygY-w
