Daniel Cormier tók viðtal við fyrrum andstæðinginn sinn Alexander Gustafsson í UFC Tonight þættinum í gær. Óhætt er að segja að viðtalið hafi verið fremur óheðfbundið og skemmtilegt.
Þeir Daniel Cormier og Alexander Gustafsson mættust á UFC 192 í október 2015. Cormier sigraði Gustafsson eftir klofna dómaraákvörðun í hörku bardaga.
Gustafsson var gestur í þættinum í gær hjá þeim Daniel Cormier og Kenny Florian. Cormier spurði Gustafsson hvern hann vildi helst mæta næst og bað hann vinsamlegast ekki um að nefna neinn bráðabirgðartitil. Cormier er ríkjandi meistari í léttþungavigtinni en fer upp í þungavigt í sumar til að mæta Stipe Miocic. Gustafsson er ekki svo viss um að Cormier muni snúa aftur í léttþungavigtina og vill því fá bráðabirgðarbelti á meðan.
Það var ákveðin spenna á milli þeirra en samt stutt í grínið í þessu skemmtilega viðtali.
“You really don’t want to fight me… you didn’t enjoy that last time.” @dc_mma asking Alexander Gustafsson who he wants to fight next didn’t go as planned. pic.twitter.com/gwhXjEsAYF
— FOX Sports: UFC (@UFCONFOX) April 19, 2018
