Daniel Cormeir var gestur hjá Conan O’Brien á dögunum. Þar ræddi hann m.a. um stressið fyrir bardagana en Cormier mætir Stipe Miocic á UFC 226 í júlí.
Daniel Cormier getur komist í sögubækurnar í sumar. Cormier er ríkjandi léttþungavigtarmeistari en hann fer upp í þungavigt í júlí til að skora á meistarann Stipe Miocic. Með sigri verður hann aðeins annar maðurinn í sögu UFC til að halda tveimur beltum á sama tíma.
Daniel Cormier var næstum því búinn að hætta við að mæta í þáttinn hjá Conan. Conan O’Brien, sem er hluthafi UFC, hefur nokkrum sinnum fengið til sín MMA bardagafólk en eins og Cormier bendir á hafa keppendurnir alltaf tapað eftir að hafa mætt í viðtal til Conan.
Cormier talaði einnig um stressið sem fylgir því að berjast.
