Nú styttist allverulega í bardaga Conor McGregor og Khabib Nurmagomedov. Khabib er ósigraður á MMA ferlinum og á stóran aðdáendahóp en hvernig skyldi það vera að æfa með honum?
Khabib Nurmagomedov æfir að öllu jöfnu heima í Dagestan þar sem hann er stór stjarna. Þegar hann er kominn með bardaga fer hann hins vegar til San Jose í Kaliforníu og æfir hjá American Kickboxing Academy. Hjá AKA æfa menn eins og Cain Velasquez, Daniel Cormier, Luke Rockhold, Jon Fitch, Zubaira Tukhugov, Islam Makhachev og fleiri. MMA Fighting spjallaði við nokkra af helstu æfingafélögum Khabib og fengu þá til að lýsa því hvernig það sé að æfa með Khabib. Flestir voru þeir á því að þeir eru naglinn á meðan Khabib er hamarinn.
