Joanna Jedrzejczyk hafði engan áhuga á að gefa formlega spá fyrir bardaga Conor McGregor og Khabib Nurmagomedov.
Fyrrum strávigtarmeistarinn Joanna Jedrzejczyk var gestur á UFC bardagakvöldinu í Rússlandi í gær. Hún mætti baksviðs á bardagakvöldinu og svaraði spurningum fjölmiðla. Joanna var auðvitað spurð út í bardaga Conor og Khabib og vildi ekki gefa upp neina spá fyrir bardagann enda er hún aðdáandi beggja.
Þegar hún var svo aftur spurð út í sína spá brást hún ókvæða við. Joanna fékk rússneska blaðamanninn til að koma fyrir framan myndavélarnar þar sem hún spurði hann um hans starf eins og má sjá á myndbandinu að neðan.
„Þetta var dæmi um heimskulega spurningu. Takk fyrir,“ sagði Joanna í lokin og fór.
