Daniel Cormier mætir Volkan Oezdemir í kvöld á UFC 220. Cormier fékk heillaóskir á dögunum frá Jon Jones fyrir bardaga sinn í kvöld.
Daniel Cormier hefur lengi eldað grátt silfur með bardagamanninum Jon Jones. Jones hefur sigrað Cormier tvisvar og er sá eini sem hefur sigrað hann í MMA. Mikill rígur hefur alltaf ríkt á milli Jones og Cormier en Jones rotaði Cormier í sumar. Jones féll svo á lyfjaprófi og var sviptur titlinum.
Daniel Cormier fékk þó ekki heillaóskir frá þessum Jon Jones heldur alnafna hans. Alnafninn Jon Jones er rithöfundur og leikjahönnuður og hefur ekki mikinn áhuga á MMA. Hann er stöðugt áreittur á Twitter þar sem aðdáendur halda að hann sé bardagamaðurinn Jon Jones.
Rithöfundurinn Jones óskaði Cormier góðs gengis fyrir bardagann í kvöld og hafði Cormier gaman af því.
That moment when @DC_MMA got a good luck message from …. Jon Jones?#UFC220 @JonJones pic.twitter.com/pHEinkhkZo
— UFC (@ufc) January 20, 2018
