Ein besta glímukona heims, Mackenzie Dern, heldur áfram að gera það gott í MMA. Í gær náði hún sínum fjórða sigri í MMA með hengingu í 1. lotu.
Mackenzie Dern er margfaldur heimsmeistari í brasilísku jiu-jitsu og snéri sér að MMA í fyrra. Hún barðist sinn fjórða MMA bardaga í gær þegar hún mætti Mandy Polk á LFA 24 bardagakvöldinu í gær.
Dern kýldi Polk niður og kláraði hana svo með „rear naked choke“ eftir tæpar þrjár mínútur í 1. lotu. Hún er núna 4-0 á MMA ferlinum og ekki spurning hvort heldur hvenær UFC semur við hana.
Dern barðist í gær í 125 punda fluguvigt en hafði þar áður átt í vandræðum með að ná 115 punda strávigt. Nú hefur UFC opnað fluguvigt kvenna og væri hún frábær viðbót þar innan skamms.
https://www.youtube.com/watch?time_continue=29&v=ddeQicy-Cvw
