Ronda Rousey var gestur Ellen í spjallþætti hennar í gær. Þáttur hennar, The Ellen DeGeneres Show, er einn vinsælasti sjónvarpsþáttur Bandaríkjanna en Rousey er fyrsti UFC-keppandinn sem mætir í þáttinn.
Vinsældir Rondu Rousey fara ört vaxandi og hefur hún verið gestur í vinsælum spjallþáttum á borð við Good Morning America, Jimmy Fallon og nú þætti Ellen. Í þættinum í gær kastaði hún meðal annars einum af starfsmönnum þáttarins. Rousey fór varlega í kastið og lenti starfsmaðurinn þægilega í gólfinu.
Ronda Rousey er nú tekjuhæsti bardagamaðurinn í UFC í dag eins og hún kemur inn á hér að neðan.
