Ansi skondið atvik átti sér stað í Muay Thai bardaga í Kína í gær. Á Max Muay Thai kvöldi sáum við Gou Dakui rota andstæðinginn og óvart dómarann í leiðinni.
Gou Dakui var á góðri leið með að klára andstæðinginn sinn, hinn tælenska Super X Sitsontidech, í 2. lotu í Muay Thai í gær. Dakui vankaði Sitsonidech með hægri krók og ætlaði að klára hann með hásparki en dómarinn þvældist fyrir þegar hann reyndi að stöðva bardagann. Sparkið endaði því óvart beint á kjammann á dómaranum!
Hvorki andstæðingurinn né dómarinn gátu haldið áfram og þurfti því nýjan dómara til að stoppa bardagann formlega er hann sá að Sitsontidech var ófær um að halda áfram. Dakui bað dómarann afsökunar á atvikinu en sparkið má sjá hér að neðan.
Crazy scenes unfolded at todays Max Muay Thai, as Gou Dakui knocks out both his opponent and referee at the same time. pic.twitter.com/jfrFeVsPo6
— Yodsanan (@_Yodsanan) November 24, 2018
