Það er alltaf stutt í grínið hjá Sean O’Connell. Þessi skemmtilegi bardagamaður barðist á PFL 2 bardagakvöldinu í gær og brá á leik í vigtuninni fyrir bardagann.
Sean O’Connell mætti Ronny Markes á PFL 2 bardagakvöldinu í Chicago í gær. Í vigtuninni á miðvikudaginn mætti hann með ekta Chicago pizzu fyrir andstæðinginn sinn. Markes tók vel í þetta og fékk sér smá bita af pizzunni.
Það var nóg að gera hjá O’Connell í gær. Áður en hann mætti Markes var hann að lýsa upphitunarbardögum kvöldsins. Þegar upphitunarbardagarnir kláruðust fór hann inn í klefa að hita upp og rotaði svo Markes í 2. lotu.
From the broadcast booth to the winner’s circle! Sean O’Connell defeats Ronny Markes by TKO in Round 2 earning 5 points. #PFL2 #MMA #PFLmma #WhatDoYouFightFor #Chicago pic.twitter.com/Tdx0Sr5wgN
— #PFLmma (@ProFightLeague) June 22, 2018
O’Connell er þekktur fyrir að bregða á leik í vigtuninni en hér er búið að taka saman nokkra skemmtilega takta hjá honum þegar hann var í UFC á sínum tíma.
