UFC hélt blaðamannafund á föstudaginn þar sem stærstu bardagar sumarsins voru kynntir. Þar mátti sjá ansi slapt skítkast á milli margra en Fox Sports hefur tekið það skemmtilega saman.
Nokkrar undarlegar línur fengu að fljúga á blaðamannafundinum á föstudaginn. Þær Amanda Nunes og Valentina Shevchenko mætast í sumar og áttu í orðaskiptum. Enska er ekki móðurmál þeirra og kannski erfiðara fyrir þær að eiga í hröðum orðaskiptum fyrir framan þúsundir manna. En Michael Johnson og Justin Gaethje eru báðir bandarískir en skítkast þeirra í garð hvors annars var samt vandræðalegt. Þeir mætast í júlí í hörku viðureign en viðureign þeirra á blaðamannafundinum var ekkert sérstök.
Daniel Cormier og Jon Jones voru skástir í skítkastinu en áttu samt báðir skot sem hittu ekki í mark.
Not everyone can be Conor McGregor…
Check out some bad trash talking from the #UFC Summer Kickoff press conference in Dallas. pic.twitter.com/ytPE37tYL2
— FOX Sports: UFC (@UFCONFOX) May 17, 2017
